Alyona Barbakadze: “İdman Akademiyası” ilə oyun çox vacib və prinsipal idi

Qadınların superliqasının 11-ci turunda “Gənclər Birliyi” vacib oyunda “İdman Akademiyası”nı 31:30 hesabı ilə məğlub edib. Görüşdən sonra qalib komandanın aparıcı həndbolçusu Alyona Barbakadze allsport.az saytına bunu deyib:

“Bizim üçün çox vacib və prinsipal oyun idi. Üstəlik, bu komandada son matçım olduğundan, mübarizəni qələbə ilə bitirmək istəyirdim. Görüş ağır keçdi. Hər 2 kollektiv sonadək mücadilə etdi.

Bizdə qızlar daha gəncdirlər. Amma çox cəhd göstərdik ki, məhz komanda oyunu alınsın. Yekunda istəyimiz baş tutdu, “İdman Akademiyası” üzərində vacib qələbə qazandıq”.