AMADA 2-ci Avropa oyunlarında müşahidəçisi qismində çıxış edir

Azərbaycan antidopinq agentliyi 2-ci Avropa oyunlarında müstəqil müşahidəçilər qrupuna daxil edilib. Allsport.az saytı xəbər verir ki, WADA-nın müstəqil müşahidəçilər qrupunun heyəti AMADA-nın direktoru Şəfəq Hüseynli və Böyük Britaniya antidopinq təşkilatı, velosiped idmanının antidopinq fondu, qurumun Avropa idarəsini təmsil edən daha 3 nəfərdən ibarətdir.

Ekspertlər oyunlara start verilməsindən bir neçə gün əvvəl işə başlayıblar. Müşahidəçilər Avropa oyunlarının antidopinq proqramının icrasına və antidopinq qaydalarına riayət olunmasına nəzarət edir, dopinq nəzarəti prosedurlarının təkmilləşdirilməsinə dair tövsiyyələrini verirlər.