AMADA 4 idmançını və 1 həkimi cəzalandırıb

Milli antidopinq agentliyi cəzalandırılan növbəti idmançıların adlarını açıqlayıb. Allsport.az saytı xəbər verir ki, orqanizmində diuretiklər və gizlədici maddələr tapılan karateçi Fidan Dadaşovaya 1, taekvondoçular Nigar İbrahimovaya 2, Ofeliya Allahverdiyevaya isə 4 illik disflikasiya ediliblər.

Boksçu Kamran Muradov ekzogen əsilli anabolik androgen steroidlər/metasteron metaboliti maddəsinə görə 4 il müddətinə cəzalanıb. Ağırlıqqaldırma üzrə həkim Xalid Qüdrətovun da cəzası 4 ildir. O, yarışdan kənar müddətdə idmançıya anabolik androgen steroidlar/prasterone tətbiq etməkdə günahlandırılır.