Amaliya Həsənova: İtaliya hokkeyçiləri ilə bərabər gücdəyik

Bu gün Uruqvayın paytaxtı Montevideoda təşkil olunan qadınların Dünya Hokkey Liqasının 2-ci raundunun yarımfinalında millimiz italiyalı həmkarları ilə qarşılaşacaq. Matçdan öncə komandamızın üzvü Amaliya Həsənova Allsport.az saytına açıqlama verib.

Otüstü hokkeyçimiz deyib ki, rəqib səviyyəlidir: «İtaliya yığması ilə gücümüz bərabər qiymətləndirilir. Bizim böyük hədəflərimiz var. Onun üçün var qüvvəmizlə mübarizə aparacağıq.

Finala vəsiqə Dünya Hokkey Liqasının 3-cü raunduna adlamaq deməkdir. 2 dəfə olimpiya oyunlarına lisenziyanın bir addımlıqda dayanmışıq. İnşallah, 3-cü cəhdimiz uğurlu olar».