Avropa çempionatına “qızıl”la başladıq. “Atilla”nın yetirməsi yenə öz sözünü dedi

Çex Respublikasının paytaxtı Praqada cüdoçuların Avropa çempionatı start götürüb. Allsport.az saytı xəbər verir ki, yarışda 14 idmançımız iştirak edir.

İlk gün uğurlu olub. 66 kq-da öncülümüz Orxan Səfərov (66 kq) keçirdiyi 5 görüşün hamısında qalib gəlib. Finalda o, israilli Tal Flickeri məyus edib.

Qadınlarda Leyla Əliyeva, Aişə Qurbanlı (hər ikisi – 48 kq) və Gültac Məmmədəliyeva (52 kq) elə ilk tutaşmada yeniliblər.