Avropa çempionatında azərbaycanlı güləşçidən “feyr-pley” nümunəsi

U-23 qadın millimizin üzvü Elnurə Məmmədova (55 kq), Bolqarıstanın Plovdiv şəhərində keçirilən Avropa çempionatında finala çıxıb. Allsport.az saytı xəbər verir ki, onun 1/4 finalda slovakiyalı rəqibi Mariya Martinçukla görüşdə etdiyi hərəkət diqqət çəkib.

Rəqibinə 10:3 hesabı ilə qalib gələn azərbaycanlı idmançı, həmkarının zədələnərək yeriyə bilmədiyini görüb, “feyr pley” nümunəsi olaraq onu çiyninə alıb döşəkdən çıxmasına yardım edib.