Avropa və Beynəlxalq Ədalətli Oyunlar Hərəkatının birgə konqresində 28 məruzə dinləniləcək

8-11 oktyabrda paytaxtda Avropa və Beynəlxalq Ədalətli Oyunlar Hərəkatının birgə konqresin, Avropa Ədalətli Oyunlar Hərəkatının (AƏOH) 21-ci Baş Assambleyası və Dünya Ədalətli Oyunlar üzrə mükafatlandırma mərasimi keçiriləcək. Allsport.az saytı xəbər verir ki, tədbirdə 80-dək idman mütəxəssisi qatılacaq.

Toplantı iştirakçılarına 28 məruzə təqdim olunacaq. Məruzələrin mövzusu yerli və beynəlxalq mütəxəssislər tərəfindən hazırlanıb. Dünya Ədalətli Oyunlar üzrə mükafatlandırma mərasiminin də Bakıda təşkil olunması çox əlamətdar hadisədir. İdmançıların namizədliyi AƏOH və Avropa Olimpiya Komitəsinin birgə razılığı ilə irəli sürülür və seçilir.