Azərbaycan basketbol liqasında müntəzəm mövsüm yekunlaşıb

Xaçmaz olimpiya idman kompleksində Azərbaycan basketbol liqasının (ABL) müntəzəm mövsümünün son oyunu baş tutub.

Allsport.az xəbər verir ki, çempionatın favoritlərindən sayılan “NTD-İndiqo”, autsayder “Şəki” klubu ilə qarşılaşıb və rəqibi üzərində 85-70 hesablı qələbəyə sevinib. Bu qələbə ilə müntəzəm çempionatı ikinci sırada tamamlayan Xaçmaz təmsilçisi, pley-off ‘un yarımfinalına yüksəlib. Ən məhsuldar basketbolçular: “NTD-İndiqo” (Rəşid Abbasov – 15 xal, 6 götürmə), “Şəki” (Simeus Vebster – 24 xal, 14 götürmə).

Azərbaycan basketbol liqasında (ABL) pley-off ‘un 1/4 final oyunları (“Xəzri”-“Sərhədçi”, “Xırdalan”-“Neftçi”) may ayından start götürəcək