“Azərbaycan millisinin layiqli yer tutacağına inanıram”

Azərbaycan Respublikası Atçılıq Federasiyasının baş katibi Bəhruz Nəbiyev Bakıda təşkil olunacaq polo üzrə Avropa çempionatı öncəsi fikirlərini açıqlayıb. Allsport.az xəbər verir ki, o, bunları söyləyib:

“İlk qapalı arenada Avropa çempionatına hazırlıqla bağlı 4 ay təlim-məşq toplanışı keçmişik. Polodan qat-qat öncə yaranan çovgən oyunu bizdə yarandığından, bu yarışda çətinlik çəkməyəcəyimizi düşünürəm. Bu sınaqda güclü komandalar iştirak edəcək. Azərbaycan millisinin layiqli yer tutacağına inanıram”.