Azərbaycan və Almaniya antidopinq sahəsində əməkdaşlığı genişləndirir

Bakıda Azərbaycan və Almaniya milli antidopinq agentlikləri arasında anlaşma memorandumu imzalanıb.
Allsport.az xəbər verir ki, memorandumu AMADA-nın icraçı direktoru Təhminə Tağı-zadə və Almaniya milli antidopinq agentliyinin icraiyyə şurasının sədri Lars Mortsiefer imzalayıblar.
Anlaşmanın məqsədi AMADA-nın ümumdünya antidopinq məcəlləsinə və beynəlxalq standartlara uyğun fəaliyyətini təkmilləşdirmək üçün nəticələrin emalı, təhqiqat, tibb, testetmə, təhsil və digər sahələrdə Almaniya milli antidopinq agentliyi ilə təcrübə mübadiləsi, birgə konsultasiyaların həyata keçirilməsi və hər iki qurumun əməkdaşlarından ibarət işçi qruplarının yaradılması və sair kimi fəaliyyət istiqamətlərindən ibarətdir.
Gələcəkdə bu anlaşma memorandumu əsasında müxtəlif sahələri əhatə edən ikitərəfli müqavilələrin imzalanması da nəzərdə tutulur.