Azərbaycan yerini qorudu, klublarımızın mövqeyi dəyişdi

Avrokubokların son 3 gündə keçirilmiş oyunları Azərbaycanın UEFA-nın klub reytinqindəki mövqeyinə təsir göstərməyib. Allsport.az xəbər verir ki, Azərbaycan hazırda 29-cu pillədə qərarlaşıb.

Son beş ilin nəticəsinə görə ölkəmizin hesabında 12,500 reytinq xalı var. Hansı ki, onun 3.625 xalı son mövsümdə qazanılıb.

Klublarımız arasında ən yüksək göstərici isə “Qarabağ”a məxsusdur. Ağdam klubu 11,500 xalla 148-ci pillədə qərarlaşıb. “Neftçi” 9,000 xalla 182-ci pillədə qərarlaşıb. “İnter” isə 5,000 xalla 268-ci yerdə gedir.

Digər klublarımıza gəlincə, “Xəzər Lənkəran” 4,250 reytinq xalı ilə 293-cü pilləni bölüşür. “Bakı” 3,250 xalla 331-cidir. “Qəbələ” və AzAL isə 2,750 xalla 357-ci pilləni bölüşürlər.