Azərbaycan Yüksək Liqasına Qəbələdə start veriləcək

Noyabrın 22-də “Qəbələ” Olimpiya İdman Kompleksində kişi voleybolçular arasında Azərbaycan Yüksək Liqasına start veriləcək. Allsport.az xəbər verir ki, çempionatda qalib adı uğrunda 4 komanda – “Neftçi”, “Sumqayıt”, “Nəqliyyatçı” və “Nəqliyyatçı-1” mübarizə aparacaq.

Çempionatın ilk mərhələsi üç turdan ibarət olacaq. Yarışın digər mərhələləri isə gələn ilin fevral və aprelində keçiriləcək.

İlk mərhələnin oyunlarına noyabrın 24-də yekun vurulacaq.