Azərbaycanın 7 klubu UEFA reytinqində: ən yaxşımız “Qarabağ”dır!

UEFA Avropa klublarının yeni reytinq siyahısını açıqlayıb. Allsport.az xəbər verir ki, yeni açıqlanan siyahıda Azərbaycan da 7 klubla təmsil olunur.

Ən yaxşı göstəriciyə malik təmsilçimiz təbii ki, “Qarabağ”dır. Ölkəmizi bu mövsüm avrkouboklarda layiqincə təmsil etmiş Ağdam klubu hazırda 11.500 xalla 148-ci pillədə qərarlaşıb.

İkinci yerdə “Neftçi” gedir. “Ağ-qaralar” 9.000 balla 181-cidir. 5.000 xala malik “İnter” isə 268-ci pillədə gedir.

Qalan klublarımıza gəlincə, “Xəzər Lənkəran” 4.250 xalla 293-cü, “Bakı” 3.250 xalla 331-ci, “Qəbələ” və AzAL isə 2.750 xalla 357-cidir.