“Azərsu” 3 yeni həndbolçusu ilə avrokuboka hazırlığını Mingəçevirdə davam etdirir

Məlum olduğu kimi, qadın həndbolçulardan ibarət “Azərsu” Mingəçevirin “Kür” olimpiya idman mərkəzində hazırlıq keçir. Allsport.az saytı xəbər verir ki, təlim-məşq əsasən fiziki işləmənin üzərində qurulub.

Ölkə çempionu yayda komandanı 3 oyunçu ilə gücləndirib. “Nur”dan Dərya Çapligina və “Gənclərbirliyindən” Diana Rəsulova ilə Nəzrin Quliyeva bundan sonra “Azərsu”nun uğuru üçün çalışacaq. Hazırlıq ayın 12-ə qədər çəkəcək. Sonrakı mərhələ yenidən paytaxtda davam etdiriləcək.

Komandamız yeni mövsümdə avrokubokda debüt edəcək. EHF kubokunun ilkin ələməsində rəqib Polşanın Lüblin şəhərini təmsil edən “Metrako Zaqlebie” klubudur. İlk oyun 8-9 sentyabrda səfərdə, cavab görüşü 1 həftə sonra Bakıda olacaq.