“Azərsu”nun həndbolçusu: Heç-heçə bizi tam qane etdi

Qadınların ölkə çempionatının 16-cı turunda “Nur” Mingəçevirdə “Kür” Olimpiya İdman Mərkəzində “Azərsu” klubunu qəbul edib. Gərgin keçən görüş 24:24 bitib. Oyundan sonra liderin aparıcı həndbolçusu Kristina Ozolina allsport.az saytına açıqlama verib:

“Əlbəttə, bu matçda qalib gəlmək istəyirdik (qələbə həmişə xoşdur). Amma 4 iddialı komandanın bu gün mükafata layiq yerlər uğrunda rəqabətdə xal ehtiyatına baxsaq, hazırkı durum bizi qane edir və “Azərsu” çempionluğa daha bir addım yaxınlaşdı”.