“Azəryol” millinin gənc voleybolçusu ilə müqaviləni yenilədi

Bakının qadın voleybolçulardan ibarət “Azəryol” klubu millinin daha bir üzvü ilə müqaviləni yeniləyib. Allsport.az saytı xəbər verir ki, “xallı bəbirlər” gənclər yığmamızın 17 yaşlı liberosu Leyla Parşkovanı komandada saxlayıb. Onunla 1 illik anlaşılıb. Bununla “Azəryol”da voleybolçuların sayı 13-ə çatıb.

CEV kubokunda mübarizə aparacaq komanda daha əvvəl Aynur Kərimova, Şəfaqət Həbibova, Yuliya Kərimova, Yelena Parxomenko, Yekaterina Jidkova (hamısı Azərbaycan), Anna Stepanyuk (Ukrayna), Stefani Niemer, Janell Saykes, Loren Vayt (hər üçü – ABŞ), Kinqa Kasprjak (Polşa), Malika Kanzonq (Tailand) və Marin Apitzlə (Almaniya) müqavilə imzalayıb.