Azad Rəhimov: “Milli Məclisin gənclər və idman sahəsinə diqqəti artırması bizi sevindirir”

“Azərbaycan Respublikasının Milli Məclisi ilə Gənclər və İdman Nazirliyi arasında daim fəal əməkdaşlıq olub. Nazirlik müxtəlif vaxtlarda parlamentin sosial siyasət komitəsi ilə birgə bir neçə layihə həyata keçirib. Gənclər və idman sahəsinə Azərbaycanı dövləti, parlamenti tərəfindən diqqətin daha da artırılması bizi çox sevindirir. İnanırıq ki, Milli Məclisin yeni yaranan gənclər və idman komitəsi həmin sahələrin inkişafına mühüm töhfələr verəcək”.

Allsport.az xəbər verir ki, bu sözü noyabrın 25-də gənclər və idman naziri Azad Rəhimov jurnalistlərə müsahibəsində deyib.

Azərbaycanda keçiriləcək Formula-1 Avropa qran-pri yarışlarına hazırlıqla bağlı sualı cavablandıran nazir qeyd edib ki, bu sahədə işlər qrafikə uyğun aparılır. Bəzi küçələrdə asfalt örtüyü dəyişdirilir. Bu işlər görülərkən çalışırıq ki, paytaxt sakinləri üçün narahatlıq yaranmasın.