AzAL Gürcüstana gedir

Bakının AzAL klubu Gürcüstana gedəcək. Allsport.az xəbər verir ki, paytaxt təmsilçisi səfərə yanvarın 23-də yollanacaq.

İki günlük səfərin məqsədi bu ölkənin futbol klublarından biri ilə yoxlama oyunu keçirməkdir. Paytaxt klubunun rəsmiləri bu istiqamətdə Gürcüstanın 2-3 komandası ilə danışıq aparırlar.

Qeyd edək ki, AzAL qış fasiləsində Adil Nağıyev, Təmkin Xəlilzadə, Asif Mirili, Tural Nərimanov, Tomi Kostadinov, Luis Ramos, Orxan Səfiyaroğlu və Con Kordoba ilə yollarını ayırıb.