Bakı “İnter”i yoxlama matçında “Gənclərbirliyi”nin qapısından 4 cavabsız top keçirib

Türkiyədə təlim-məşq toplanışında olan Bakı “İnter”i dünən daha bir yoxlama oyunu keçirib. Allsport.az saytının məlumatına görə, paytaxt klubu yerli “Gənclərbirliyi” ilə qarşılaşıb. Matç Azərbaycan təmsilçisinin böyük hesablı qələbəsi ilə başa çatıb – 4:0.

Bütün qolları yerli futbolçular – Samir Zərgərov (2), Fuad Bayramov və Mirhüseyn Seyidov vurublar. Qeyd edək ki, “İnter” bundan öncəki sınaq matçlarını da Türkiyə klublarına qarşı keçirmişdi. Öncə “Qasımpaşa”ya 2:1 hesabı ilə qalib gələn “bankçılar”, ardından “Elazığspor”la bərabərə qalmışdılar – 0:0.