Bakı “Lokomotiv”i “Alyants Ştuttqart”ı məğlub yola saldı

Bu gün Bakının qadın voleybolçulardan ibarət “Lokomotiv” klubu Avropa Çempionlar Liqasında növbəti oyununu keçirib. Allsport.az saytı xəbər verir ki, 3-cü turda “dəmiryolçular” doğma divarlar arasında Almaniya “Alyants Ştuttqart”ını qəbul edib.

Türkiyəli baş hakim Nurpər Özbarın idarə etdiyi oyunda ev sahibələri rəqibi  üstələyib – 3:0 (25:18, 25:17, 25:18). “A” qrupunda mübarizə aparan “Lokomotiv” ilk görüşdə “Dinamo Kazan”a 1:3 hesabı ilə məğlub olsa da, Bakının “Azərreyl” komandasına 3:1 hesabı ilə qalib gəlib.