Bakı Metropoliteni “Qəbələ”yə görə bu gün saat yarım artıq işləyəcək

Bu gün “Qəbələ” UEFA Avropa Liqasının qrup mərhələsi çərçivəsində Bakıda – “Bakcell Arena”da Yunanıstanın PAOK komandasını qəbul edəcək. Allsport.az xəbər verir ki, matç saat 22:00-da start götürəcək.

“Qəbələ” İdman Klubu qarşılaşmanın gec saatda başa çatacağını nəzərə alaraq Bakı Metropoliteninə bu gün iş rejiminin saat 01:30-dək uzadılması xahişi ilə müraciət edib. Müraciət Bakı Metropoliteni tərəfindən müsbət cavablandırılıb. “Qəbələ” İdman Klubu bu addıma görə Bakı Metropoliteninə təşəkkür edir.