Bakının qalib yeniyetmə badmintonçuları

5 nömrəli Bakı peşə liseyində 2005-2006-cı il təvəllüdlü badmintonçular arasında paytaxt birinciliyi keçirilib. Allsport.az saytı xəbər verir ki, yarışda 16 qız və 40 oğlan çıxış edib. Qaliblər 5 dərəcədə müəyyənləşib.

Şəxsi görüşdə Nərmin Şərifova və Tuncay İsmayılov 1-ci olublar. Qoşada oğlanlardan Tuncay İsmayılov – İlfat Akçurin, qızlarda Nərmin Şərifova – Nigar Səmədova qalib gəliblər.

Qarışıq qoşa mübarizədə Tuncay İsmayılov – Nərmin Şərifova cütü hamını üstələyib. Qaliblər hədiyyə, diplom və medallarla təltif olunub.