Basketbol məşqçiləri mükafatlandırıldı

“Sərhədçi” idman mərkəzində, Azərbaycan basketbol federasiyasının (ABF) məşqçilik seminar təlimlərini uğurla tamamlamış uşaq basketbol məşqçilərinə sertifikatların təqdim olunma mərasimi baş tutub.

Allsport.az xəbər verir ki, federasiya rəsmiləri tərəfindən seminarı uğurla tamamlamış 44 məşqçidən 9-u “B”, 35-i isə “C” kateqoriyalı sertifikatlarla təltif olunub.

Qeyd edək ki, seminar təlimlərdə uğursuz nəticə göstərmiş məşqçilər üçün, Azərbaycan basketbol federasiyası tərəfindən yay aylarında yenidən seminar təlimlər təşkil olunacaqdır.