Basketbolçular Qazaxıstanda 3-cü oldular

26-28 iyunda Qazaxıstanın Atırau şəhərində 16 yaşa qədər oğlan basketbolçular arasında “Airom Cup” beynəlxalq turniri baş tutub.

Allsport.az xəbər verir ki, turnirdə iştirak edən Azərbaycanın U-16 yığması bürünc medal qazanıb.

Milli komanda “Auyl Sport”a 60:33, “Keepers”ə 71:16, “Kutaisi”yə 58:51 hesabı ilə qalib gəlib, “Barsy Atırau”ya isə 54:72 hesabı ilə məğlub olub.

Bu nəticələrdən sonra türkiyəli mütəxəssis Ərxan Tökərin rəhbərlik etdiyi milli komanda beynəlxalq turnirini 3-cü pillədə tamamlayıb.