Bir gündə iki qələbə

24 iyun qızlardan ibarət U-16 millim Qazaxıstanın Atrau şəhərində təşkil olunmuş “Airom Cup” beynəlxalq turnirində növbəti oyunları baş tutub. 

Allsport.az xəbər verir ki, yığma 3-cü görüşünü Rusiyanın “MBU Volqoqrad” klubuna qarşı keçirib və 67:38 hesablı qələbəyə sevinib. 

Qızlar günün ikinci oyununda isə Qazaxıstan təmsilçisi “Aul Sport” klubu ilə qarşılaşıb və 59:39 hesabı ilə rəqibinə qalib gəlib. Bu onların turnirdə “Aul Sport” klubu üzərində ikinci qələbəsi olub. Bütün görüşlərini qələbə ilə tamamlamış millinin növbəti oyunları 25 iyunda baş tutacaq.