Çempionu sarsıdan xəbər: Çumbinyo mövsümü bitirdi

“Qarabağ”ın braziliyalı yarımmüdafiəçisi Çumbinyo növbəti dəfə əməliyyat olunub. Allsport.az xəbər verir ki, bu haqda qol.az saytına klubun mətbuat xidmətindən bildirilib.

Mövsümü əvvəlində dizindən zədə aldığı üçün bir dəfə əməliyyat olunan və altı aylığına sıradan çıxan təcrübəli futbolçunun bu günlərdə vətəni Braziliyada ikinci dəfə əməliyyat edilib.

Zədəsi ciddi olan Çumbinyo üçün bu mövsüm indidən başa çatıb. Klubdan bildirilib ki, o, ən yaxşı halda bu yay yaşıl meydana qayıda bilər. Həkimlərin ilkin diaqnozuna görə, Çumbinyo altı ay futbol oynaya bilməyəcək.

Əlavə edək ki, Çumbinyonun “Qarabağ”la müqaviləsinin müddəti bu ilin may ayının sonunda başa çatır.