Cokoviçdən tarixi nailiyyət

Dünyanın yeddinci tennisçisi Novak Cokoviç karyerasında 14-cü dəfə ABŞ açıq çempionatının təkli yarışında yarımfinala yüksəlib.

Allsport.az xəbər verir ki, serbiyalı idmançı ATP reytinqində dördüncü olan amerikalı Teylor Fritsi dörd setdə – 6:3, 7:5, 3:6, 6:4 hesabı ilə məğlub edib.

Cokoviç ABŞ açıq turnirinin yarımfinallarında iştirak sayına görə amerikalı Cimmi Konnorsa məxsus nəticəni təkrarlayıb.

Novak Cokoviçin növbəti rəqibi dünya reytinqinin ikincisi, ispan tennisçi Karlos Əlqərəz olacaq.