«Dinamo-Sinara» Çempion Liqasında Almaniya klubunu üstələdi, həndbolçumuz qırmızı vərəqə aldı

Bu gün qadın həndbolçular arasında millimizin üzvü Katerina Peçenin formasını geyindiyi «Dinamo-Sinara» Avropa Çempionlar Liqasının əsas qrup mərhələsində 2-ci oyuna çıxıb. Allsport.az saytı xəbər verir ki, Volqaqrad təmsilçisinin səfərdə Almaniyanın «Türinger» klubunu ilə üz-üzə gəlib.

Gərgin keçən matçda qonaqlar fasiləyə 1 top üstünlüyü ilə yollanıblar (14:13). Növbəti yarıda təşəbbüsü əldən verməyən Rusiya komandası oyunu qələbə ilə bitirib – 33:30.

Bu görüşdə hədbolçumuz qol vurmayıb. O, yalnız qırmızı vərəqə almaqla yadda qalıb. Hazırda Volqaqrad klubunun 8 xalı var və yer aldığı 1-ci qrupda 2-ci pillədə qərarlaşıb.

«Dinamo-Sinara» növbəti matçına fevralın 15-də evdə Makedoniya «Vardar»ına qarşı keçirəcək.