Direktor müavini “Gəncə” VK-nın qonağı oldu

Azəralüminium MMC-nin biznesin inkişafı departamentinin direktor müavini Elçin Xəlilov “Gəncə” VK-nın qonağı olub.

Allsport.az xəbər verir ki, klubun prezidenti Elvar Osmanov ilə görüşdə komandanın gələcək fəaliyyəti, ölkə çempionatına hazırlığı və perspektivlər müzakirə olunub.

Elçin Xəlilov komandanı ölkə kuboku yarışlarında gümüş medal qazanması münasibətilə təbrik edib, əməkdaşlığın ölkə idmanına yeni töhfələr verəcəyinə əminliyini ifadə edib.

Sonda Elvar Osmanov Elçin Xəlilova komandanın formasını hədiyyə edib.

Azəralüminium MMC “Gəncə” VK-nın tərəfdaşlarından biridir.