Dünya kubokunda 5 qızıl, 1 gümüş və 1 bürünc

Avstriyanın Veyz şəhərində klublararası dünya kubokunda savatın assault növü üzrə kadetlər arasında Ağamirzə Mahmudbəyli (30 kq), gənclər arasında Yasin İbrahimov (56 kq), Nicat Məhəmmədli (60 kq) və Əli Bəylərzadə (75 kq) qızıl medal qazanıblar.

Allsport.az saytı xəbər verir ki, ustalar arasında Tutu İsmayılova (48 kq) gümüş, Həsən Əliyev (65 kq) bürünc medala sahib olublar. Prokombat növü üzrə Nicat Məhəmmədli (60 kq) qızıl medala yiyələnib.