Fərid Qayıbov: “Elə dərhal bu istiqamətdə işləməyə başlayacağam”

Ölkə başçısının sərəncamı ilə Fərid Qayıbov gənclər və idman naziri təyin edilib. Allsport.az saytı xəbər verir ki, o, İlham Əliyevlə video-görüşdə bunu deyib:

“Çox sağ olun cənab prezident. Əvvəlcə icazə verin, göstərdiyiniz bu etimada, haqqımda deyilən bu sözlərə görə Sizə dərin minnətdarlığımı bildirim. Bu, mənim üçün böyük bir şərəfdir. Verdiyiniz tapşırıqlar, tövsiyələr aydın oldu, elə dərhal bu istiqamətdə işləməyə başlayacağam.

Söz verirəm ki, əlimdən gələni edəcəyəm. İnanıram ki, sağlam cəmiyyətdə yaşayan Azərbaycan gəncləri yaxın gələcəkdə də öz yeni uğurları ilə, idmançılarımız isə yeni qələbələri ilə, cənab prezident, sizi və Azərbaycan xalqını sevindirəcəklər. Çox sağ olun”.