Elman Rüstəmov Teymur Rəcəbova görə FIDE rəhbərinə məktub yazdı

Azərbaycan şahmat federasiyasının prezidenti Elman Rüstəmov Beynəlxalq şahmat federasiyasının rəhbəri Arkadi Dvorkoviçə məktub ünvanlayıb. Allsport.az xəbər verir ki, məktubda dünyanı bürüyən koronavirus pandemiyası zamanı Rusiyada bütün idman yarışlarının təxirə salındığı yada salınaraq, bununla belə Yekaterinburq şəhərində şahmat üzrə iddiaçılar turnirinin təşkili barədə yazılıb.

Azərbaycan şahmat federasiyası FIDE rəhbərliyindən Teymur Rəcəbovun hüquqlarını qorumağı və onu iddiaçılar turnirinə qaytarmaq ilə ədaləti bərpa etməyi xahiş edib.

Teymur Rəcəbov iştirakçıların sağlamlığının təhlükə altına alınması səbəbindən iddiaçılar turnirinin başqa təxirə salınmasını təklif edib. FIDE bununla razılaşmayıb və Teymur Rəcəbov fransız Maksim Vaşye Laqrav ilə əvəzlənib. Nəticədə koronavirus pandemiyasına görə turnir martın 26-da yarımçıq dayandırılıb. Buna Rusiya Federasiyası hökumətinin digər ölkələrlə hava əlaqəsinin kəsilməsi barədə qərarı səbəb olub. Turnirin başqa vaxtda davam etdiriləcəyi açıqlanıb.