“Napoli” ilə müqaviləni uzadır

“Napoli” şotlandiyalı yarımmüdafiəçisi Skott Maktomineyə yeni və daha gəlirli müqavilə təklif etməyə hazırlaşır.

Allsport.az xəbər verir ki, neapollular 29 yaşlı futbolçunun sözləşməsini 2030-cu ilədək uzatmağı və hazırkı 3 milyon avroluq maaşını artırmağı planlaşdırır.

Klub rəhbərliyi digər komandaların marağını nəzərə alaraq, bu məsələni yayda keçiriləcək dünya çempionatına qədər həll etmək niyyətindədir.

Maktominey cari mövsümdə “A” seriyasında 22 matçda 5 qol və 3 məhsuldar ötürmə ilə yadda qalıb.