“Liverpul” “Çelsi”yə təzminat ödəyəcək

Peşəkar futbolda təzminat üzrə arbitraj komitəsi “Liverpul”un Rio Nqumoanın keçidi ilə bağlı “Çelsi”yə 2,8 milyon funt-sterlinq ödəməsi barədə qərar çıxarıb.

Allsport.az xəbər verir ki, bu məbləğ 17 yaşlı futbolçunun gələcək uğurlarına görə bonuslarla birgə 6,8 milyon funt-sterlinqə çata bilər. 2016-2024-cü illərdə London klubunun akademiyasında yetişmiş Nqumoa cari mövsümdə mersisaydlıların heyətində artıq 13 oyun keçirib.