Emin Cəfərov gənclər liqası oyununda

AFFA-nın oyun əməliyyatları şöbəsinin rəisi Emin Cəfərov UEFA tərəfindən təyinat alıb.

Allsport.az xəbər verir ki, o, gənclər liqasının çempionlar yolunun III mərhələsində keçiriləcək “Trabzonspor” (Türkiyə) – “Sarayevo” (Bosniya və Herseqovina) oyununun UEFA nümayəndəsi olacaq. Trabzon şəhərində yerləşən Şənol Günəş idman kompleksi stadionunda təşkil olunacaq cavab görüşü dekabrın 11-də baş tutacaq.

“Trabzonspor” – “Sarayevo” matçını belaruslu baş hakim Amin Kurqeli idarə edəcək. Bosniya və Herseqovinada keçirilən ilk oyun 2:2 hesabı ilə yekunlaşıb.