Faiq Qarayev: Super Liqada yerli voleybolçuların çoxluğu bizi sevindirir

«Həm qadınlar, həm də kişilər arasında keçirilən ölkə çempionatı yüksək səviyyədə keçdi. Hər 2 liqada gərginlik vardı. Əvvəlkilərdən fərqli, bü dəfə kişi komandalarımız da ictimaiyyət qarşısında mükafatlandırıldı».

Bunu allsport.az saytına açıqlamasında AVF-in 1-ci vitse-prezidenti Faiq Qarayev dedi. Mütəxəssis bildirdi ki, yerli voleybolçuların sayı ilbəil artır. Bunu təqdir etmək lazımdır:

«Klublar yerli oyunçular yetişdirmək səylərini  daha artırmalıdır. Biz milli komandamızı da düşünməliyik. Qarşıdan bizi ciddi sınaq gözləyir».