Federasiya prezidenti yığmanın məşqində

Azərbaycan voleybol federasiyasının prezidenti Şahin Bağırov qızıl Avropa liqasında mübarizə aparan qadın voleybolçulardan ibarət yığmamızın məşqində olub.

Allsport.az xəbər verir ki, qurum rəhbəri GİN-in voleybol mərkəzində təşkil olunan məşqdən əvvəl komandamızın üzvləri və məşqçilər heyəti ilə görüşüb.

Bağırov bu gün Bakıda start götürəcək 3-cü mərhələdə millimizin daha uğurlu çıxış edəcəyinə, Estoniya və Avstriya yığmalarına qalib gələcəklərinə əminliyini ifadə edib. Voleybolçularımız da doğma meydanda hər iki qarşılaşmada qələbə qazanmaq üçün əllərindən gələni edəcəklərini bildiriblər.