FİFA-dan Ronaldunun klubuna qadağa

FİFA “Əl-Nəsr” klubuna yeni oyunçuların qeydiyyatına qadağa qoyub.

Allsport.az xəbər verir ki, buna səbəb paytaxt təmsilçisinin maliyyə öhdəliklərini vaxtında yerinə yetirməməsidir.

Qadağaya klubun 2023-cü ildə müdafiəçi Emerik Laportun transferinə görə “Mançester Siti”yə olan 9 milyon avro məbləğində borcu səbəb olub. Ödəniş üçün müəyyən edilmiş son tarix cari ilin avqustun 31-də başa çatsa da, vəsait İngiltərə klubuna ödənilməyib.

Kriştianu Ronaldunun da çıxış etdiyi “Əl-Nəsr” rəhbərliyi sözügedən məbləği ödədikdən dərhal sonra qadağa aradan qaldırılacaq.