Gəncə klubu “İnter”i büdrətmək niyyətindədir

“Qarabağ”la oyundan sonra bir günlük istirahətə buraxılan “Kəpəz” bu gün məşqləri bərpa edib. Allsport.az saytı xəbər verir ki, “sarı-göylər” Topaz Premyer Liqasının 14-cü turunda Gəncədə qarşılaşacağı “İnter”lə oyuna hazırlaşır.

Komandanın bu günə olan məşqi “Dalğa Arena”da baş tutub. Sabah futbolçular Azərbaycan Dövlət Bədən Tərbiyəsi və İdman Akademiyasının stadionunda hazırlıq keçəcək.

Noyabrın 25-də “Kəpəz” Yevlaxa gedəcək. Bir gün orada məşq edəcək komanda ayın 26-da Gəncəyə gələcək. Oyun öncəsi son hazırlıq prosesi isə matçın keçiriləcəyi Gəncə şəhər stadionunda baş tutacaq.