“Gəncə” səfərdə qələbəyə sevindi

Qadın voleybolçular arasında Azərbaycan yüksək liqasında XVII turun oyunları keçirilib. 

Allsport.az xəbər verir ki, turun bir qarşılaşması UNEC VK-nın idman zalında UNEC və “Abşeron” komandaları arasında olub. Görüş “Abşeron” klubunun 3:0 hesablı qələbəsi ilə başa çatıb. 

Turun digər qarşılaşmaları isə GİN-in voleybol mərkəzində təşkil olunub. Burada “Murov Az Terminal” komandası “Azərreyl”lə, “Milli Aviasiya Akademiyası” klubu isə “Gəncə” ilə üz-üzə gəlib. 

“Murov Az Terminal” – “Azərreyl” oyununda qalib 4 setdə müəyyən olunub. “Azərreyl” rəqibini 3:1 hesabı ilə məğlub edib. 

Turun son qarşılaşması isə gərginliyi ilə yadda qalıb. Bu görüşdə “Gəncə” 3:2 hesabı ilə qələbə qazanıb. 

Yüksək liqa 

27 mart 

XVII tur 

UNEC – “Abşeron” 0:3 (8:25, 11:25, 10:25)

“Murov Az Terminal” – “Azərreyl” 1:3 (23:25, 26:28, 25:11, 15:25) 

“Milli Aviasiya Akademiyası” – “Gəncə” 2:3 (24:26, 25:16, 16:25, 27:25, 15:17)