“Gənclər Birliyi”nin ən məhsuldar həndbolçusu “Azərsu”ya keçib

“Gənclər Birliyi”nin ən təcrübəli və ən məhsuldar həndbolçusu Alyona Barbakadze komandanı tərk edib. Bu barədə məlumatı allsport.az saytına onun özü deyib.

Mərkəz oyunçusunun sözünə görə, növbəti, 12 turdan “Azərsu”nun şərəfini qoruyacaq: “Orda yarım mövsümdür qızlar bir-birlərini tanıyırlar. Yeni komandamın oyunu ayrıdır. Kollektivə uyğunlaşmağa çalışacağam”.

Qeyd edək ki, son zamanlar “suçəkənlər”də zədəlilərin artması komanda rəhbərliyini düşünməyə vadar etmişdi. Alyona Barbakadze “Gənclər Birliyi”də son matçını şənbə günü “İdman Akademiyası”na qarşı keçirib. Onun komandsı rəqibi 31:30 hesabı ilə məyus edib.