GİN və FHN birinci oldular

Mayın 11-də Avropa oyunları parkında dövlət qurumları arasında 3×3 basketbol yarışı keçirilib.

Allsport.az xəbər verir ki, gənclər və idman nazirliyi (GİN) və Azərbaycan basketbol federasiyasının birgə təşkilatçılığı ilə baş tutan yarışda müxtəlif dövlət qurumları iştirak edib.

Qadınlar arasında keçirilən yarışın qalibi GİN olub. İkinci yeri AZAL, üçüncü yeri isə SOCAR komandası tutublar. Kişilər arasında isə yarışın çempionu fövqəladə hallar nazirliyi olub. GİN ikinci, SOCAR isə üçüncü yerə layiq görülüblər.