“Gözlədiyimiz kimi ağır oldu”

“Sumqayıt” premyer liqanın XV turunda səfərdə “Neftçi” ilə heç-heçə edib – 2:2.

Allsport.az xəbər verir ki, matçdan sonra “kimyaçılar”ın məşqçisi Şahin Abdullayev mətbuat konfransında bunu deyib:

“Gözlədiyimiz kimi ağır oldu. Oyunun 60-65 dəqiqəsi rəqibin üstünlüyü ilə keçdi. İlk hissədə əsas problemlərimizdən biri top itkilərimizimizin çox olması oldu. Sonradan topa nəzarət etməyə çalışdıq. Rəqibi analiz etmişdik və bilirdik ki, 65-70-ci dəqiqədən sonra oyunlarında eniş olur. Ona görə bir neçə oyunçunu ehtiyatda saxlamışdıq. Etdiyimiz dəyişikliklər də uğurlu oldu, yekunda 1 xalı qazana bildik”.