Güləş komandalarımız dünya çempionatının hazırlığına başlayır

20-28 oktyabrda Macarıstanın paytaxtı Budapeştdə dünya çempionatı keçiriləcək. Allsport.az saytı xəbər verir ki, bu yarışın hazırlığına öncə sərbəst güləş millimiz başlayıb. Komanda bu gündən Güləş Olimpiya Mərkəzində bir araya gəlib. Məşqlər oktyabrın 18-dək davam edəcək.

“Klassiklər” sabahdan hazırlığa start verəcək. Təlim-məşq toplanışı oktyabrın 23-də yekunlaşacaq. Qadınlardan ibarət yığma dünya çempionatına Türkiyədə hazırlaşacaq. Oktyabrın 5-dən 20-dək İstanbulda bir yerdə olacaq millimiz Macarıstana qardaş ölkədən yola düşəcək.