Güləşçilərimiz il ərzində 236 medal qazanıb

Azərbaycan güləş federasiyası ilin hesabatını açıqlayıb.

Allsport.az xəbər verir ki, idmançılarımız beynəlxalq yarışlarda 236 medal qazanıb. Onlardan 57-si qızıl, 74-ü gümüş, 105-i isə bürünc medaldır.

Bütün yaş qrupları üzrə dünya çempionatlarında 7 qızıl, 10 gümüş və 11 bürünc, Avropa çempionatlarında isə 14 qızıl, 8 gümüş və 28 bürünc medal əldə olunub. Digər beynəlxalq yarışlarda 36 qızıl, 56 gümüş və 66 bürünc medal qazanılıb.

Böyüklər il ərzində 25 qızıl, 36 gümüş və 44 bürünc medal əldə edib.