“Hələ də qələbəyə acam”

UFC-nin sabiq yüngül çəki çempionu İslam Mahaçev yarımorta çəki divizionuna keçməsi barədə açıqlama verib.

Allsport.az xəbər verir ki, dağıstanlı idmançı “TNT Sports”a verdiyi müsahibədə qərarını belə izah edib:

“Artıq gənc deyiləm, mənim 34 yaşım var və bədənimə, sağlamlığıma diqqət yetirməliyəm. Düşünürəm ki, yarımorta çəkidə mənə daha yaxşı olacaq. Həyatım boyu mənə “gənc” deyirdilər, amma indi “qoca” olmuşam. Amma hələ də qələbəyə acam.”

Mahaçev noyabrın 16-na keçən gecə Nyu-Yorkda UFC 322 turnirinin əsas hadisəsində yarımorta çəki üzrə kəmər sahibi Cek Della Maddalenaya qarşı döyüşəcək.