Həndbol məşqçilərinin seminarı

Azərbaycan həndbol federasiyası (AHF) regionlarda fəaliyyət göstərən məşqçilər üçün ikigünlük seminar keçirib.

Allsport.az xəbər verir ki, AHF arenada təşkil olunan seminarda ölkənin müxtəlif rayonlarından gələn məşqçi-müəllimlər iştirak ediblər.

Federasiyasının idman şöbəsinin rəhbəri, Avropa həndbol federasiyasının nümayəndəsi İsgəndər Əsgərov qurumun iş planı barədə danışaraq yeni mövsümdə 1-ci liqa yarışlarının keçiriləcəyini diqqətə çatdırıb.

Həmçinin gələcəkdə nəzərdə tutulan zona yarışlarının vaxtı, məkanı və yeni qaydalar ilə bağlı ətraflı məlumat verilib.

Tədbirdə “Kür” komandasının baş məşqçisi Nəsir Səlimi həndbolun texnikası və taktikası mövzusu üzrə çıxış edib.

Həndbol məşqçiləri ilə ətraflı müzakirələrdən sonra onlara toplar və sertifikatlar təqdim edilib.