Həndbol seçməsinin kapitanı: “Yeni baş məşqçinin düzgün psixoloji yanaşması var”

Konya-2021 İslam oyunlarına mübarizə aparacaq qadın həndbol millisi hazırlığı Gürcüstanda davam etdirir. Komandanın kapitanı Rəna Həsənova (Nəsrəddinova) allsport.az saytına toplanış barədə açıqlama verib:

“Artıq bir aydan çoxdur ki, yeni baş məşqçi Slavişa Ristiçeviçin rəhbərliyi ilə çalışırıq. Komandanın serbiyalı mütəxəssisdən xoşu gəlir: çoxlu yeni tapşırıqlar, maraqlı məşqlər. Onun düzgün psixoloji yanaşması var.

Hazırda Tiflisdə toplanışındayıq, sparrinq oyunlar olacaq. Daha 2 təlim-məşq planlaşdırılır. Ümid edirik ki, belə qısa müddət ərzində komanda İslamiadada yaxşı oyun göstərəcək və layiqli çıxış edəcək”.