Həndbol seminarına yekun

Həndbol federasiyasının hakim vəzifəsinə seçim seminarına yekun vurulub. Allsport.az saytı xəbər verir ki, tədbir hakimlik və yarış qaydalarında olan yenilikləri iştirakçıların diqqətinə çatdırmaq məqsədi daşıyır. Sonda 30-a yaxın namizəd imtahan verib.

Fərqlənənlərə AHF-nin sertifikatlarını təqdim edən Bədən Tərbiyəsi və İdman Akademiyasının prorektoru Fərid Mansurov və həndbol üzrə olimpiya çempionu Lyudmila Şubina onları təbrik edib, gələcək fəaliyyətlərində uğurlar arzulayıb.

2 gün davam edən seminarın lektorları beynəlxalq dərəcəli hakimlərimiz İsgəndər Əsgərov, Ələkbər Ağakişiyev, Vaqif Əliyev və Ernest Ağakişi olub. AHF tərəfindən eyni seminarların davamlı olunması nəzərdə tutulub.