Həndbolçumuzun komandası Bundesliqada «Oldenburq»u məyus edib

Millimizin qapıçısı Valentina Salamahanın çıxış etdiyi «Bietiqheym» klubu qadın həndbolçuların Bundesliqasında növbəti görüşə çıxıb. Allsport.az saytı xəbər verir ki, çempionatın öncülü 18-ci turda səfərdə «Oldenburq»un qonağı olub.

Əvvəldən sonadək üstün oyun nümayiş etdirən həndbolçumuzun komandası 8 top fərqi ilə qalib gəlib – 30:22 (17:11). Bu matçda da qapısımız meydanda olub.

«Bietiqheym» yarış cədvəlində maksimum nəticə, 36 xalla 1-ci sırada yerini qoruyur. Lider növbəti görüşünü martın 30-da evdə «Nellingen»ə qarşı keçirəcək.